Удзельнікамі ўрачыстых мерапрыемстваў раённага свята "Дажынкі-2024" у Аршанскім раёне ў а.г. Бабінічы, 05.10.2024 г. сталі прадстаўнікі калектыву ААТ «Аршанскі авіярамонтны завод» на чале з намеснікам генеральнага дырэктара па ідэалагічнай, кадравай рабоце і сацыяльна бытавых пытаннях Ігарам Літоўчыкам.

Здзіўленню і захапленню ўдзельнікаў свята не было мяжы! Кожны падворак раёна радаваў сваёй тэматыкай і рамяством. У шырокім асартыменце былі прадстаўлены тавары народнага спажывання. Госці маглі набыць сувеніры і падарункі на памяць.

"Дажынкі-2024" - гэта асаблівае свята для працаўнікоў сяла. Бо кожны працаўнік варты высокай узнагароды за сваю працу і заслугоўвае павагу і пашану!